MUSIKA
Travellin’ Brothers & A Contra Blues (Euskadi/Catalunya)

Europako bandarik onenaren European Blues Challenge saria irabazi zuen 2015ean Bruselan; hamabost urteko ibilbidea du, bederatzi disko, eta milatik gora kontzertu: Travellin Brothers Europako blues bandarik errespetatuenetako bat da. Hamabost herrialdetan baino gehiagotan barrena egindako biraren ondoren –besteak beste, Txinan lehenbizko aldiz–, Bilboko Arriaga Antzokian zuzenean grabatutako CD+DVD berria aurkeztuko digute.

Horiekin batera, rock’n’roll sutsua A Contra Blues taldearen eskutik. Hamahiru urteko ibilbidea, zazpiehun kontzertutik gora, eta sei disko. Debuta egin zutenetik batetik bestera ibili dira. Askotariko agertokietan jo dute: sorterritik hasi (Bartzelona) eta Europako jaialdirik ospe­tsuenetara iristeraino. Gaur egun Europan den bandarik onenetako bat da, zalantzarik gabe. Hala bermatzen digu 2014an European Blues Challenge saria irabazi izanak.
Eszenaratzea akasgabea eta ikaragarria da. Indarrez, sendotasunez eta enpatiaz beteriko esperientzia paregabea.

MUSIKARIAK: Travellin’ Brothers: Aitor Cañibano (gitarra), Eneko Cañibano (baxua), Jon Careaga (ahotsa), Isi Redondo (bateria), Alain Sancho (saxoa), Mikel Azpiroz (teklatua).
A Contra Blues: Alberto Noel Calvillo (gitarra elektrikoa, aho-soinua, ukelelea, koruak), Héctor Martín (gitarra elektrikoa eta koruak), Joan Vigo (kontrabaxua eta baxua), Núria Perich (bateria), Jonathan Herrero (ahotsa eta gitarra akustikoa).
IRAUPENA: 90′.

» Non: Auditorium
» Eguna: Urriaren 18an
» Ordutegia: 21:00etan
» Sarrera: 14 euro

INFORMAZIO GEHIAGO: www.travellinbrothers.com

INFORMAZIO GEHIAGO: www.acontrablues.com