Aterpe Leioa Gazteguneak 14 eta 17 urte bitarteko gazteentzat (Leioan erroldatutakoak) antolatutako udalekuetan izena emateko epea ekainaren 11n (astelehena) irekiko da, eta ekainaren 15era arte egongo da zabalik. Programatutako jolas eta kirol jarduerak uztailaren 2etik 13ra bitartean egingo dira, eta euskaraz izango dira.

Interesa dutenek aipatutako egunetan eman beharko dute izena.Plazok izen emate ordena errespetatuz esleituko dira.

Plazak konfirmatzeko, matrikula ordaindu beharko da eta ordainagiria Aterpe Leioa Gaztegunean entregatu beharko da, ekainaren 18tik 20ra bitartean. Hala egin ezean, plaza galduko da. Prezioa 40 €-koa da Kultur Leioako Lagun gazteentzat, eta 65 €-koa, gainerako leioaztarrentzat.

Informazioa