FAMILIARRA
Teatro Paraíso / Les Ateliers de la Colline (Euskadi / Belgika)
Zikloi suntsitzaile bat helduko da laster, eta Tourons –Irla Ozeanikoetako txori mota bat- tribuak ezinbestean beste lekuren batera ihes egin behar du azkar.
Iragarritako hondamendi horretatik bizirik irteteko ahulenak, txarto hegan egiten dutenak edo, besterik gabe, hegan egiten ez dutenak, atzean utzi behar dituzte. Horiek istripu batengatik, edota euren adina edo jatorriarengatik ezinduta daudenak dira.
“Ezetz hegan egin” ikuskizunean lau txori bitxik alegia zoragarria eskainiko digute, ederra eta eduki aberatsekoa: arrazakeria, arduragabetasuna, botere-grina eta berekoikeria erakutsiko dizkigute, baina baita elkarren arteko laguntza, elkartasuna eta errespetua ere.
Arazo saihestezin horretatik abiatuta, istorioak besteekiko harreman mota ugariak islatzen ditu modu sentikor eta argitsuan gure antza duten animaliak baliatuz. Agian antza handiegia dute.
Ikuslea: +7 urte.
» Non: Auditorium
» Eguna: Apirilaren 14an
» Ordutegia: 18:00etan
» Sarrera: 5 euro
Iruzkindu