ERAKUSKETA
Corrado Masacci

Igelen gaineko erakusketa hau, urte askotako lanaren emaitza da eta umeek begi onez hartu dute, igel ezberdinak egin eta mugiarazi baititut beraientzat. Gainera, bisita gidatuen ostean, umeek eskoletan egiten zituzten marrazkietan igel-irudiak agertzen ziren askotan. Eta horrek guztiak erakusketa hau egitera bultzatu nau.

Igelen metamorfosia izenburua aukeratu dut, anfibio hauen ezaugarririk garrantzitsuenetarikoa izateaz gain, objektu bakar baten eraldatze-prozesuan metamorfosia dagoelako, nire ustez. Horren kasu izan daiteke arrautza-ontzi bat igel-txotxongilo bat bilakatzea.

Erakusketan dauden igel gehienak arrautza-ontziak izan dira hasiera batean eta apurka-apurka, igel mota ezberdinetan eraldatzen joan dira. Igelekiko dudan interes pertsonala “Gustavo Igela” pertsonaia ezagunetik datorkit, hurbila eta atsegina iruditzen zaidalako. Igelen mundua era askotakoa izan daiteke eta sormena bizitu egiten du. Horra hor erakusketa hau egitearen ideia.

» Non: Erakusketa gelan
» Egunak: Maiatzaren 9tik uztailaren 5era
» Ordutegia: Astelehenetik ostiralera, 10:00etatik 20:00etara. Larunbatak, igande eta jaiegunak 11:00etatik 14:00etara eta 17:00etatik 20:00etara. Uztailaren 1etik aurrera, 10:00etatik 14:00etara
» Sarrera: Doan