Kubik konpainiak, datorren azaroaren 9an, “Cube” ikuskizuna dakarkigu. Existitzen ez diren lerroz osatutako kuboa da, eta bertan, kuriositatea, larritasuna, jolasa, maitasuna eta egunero bizi ditugun beste hamaika emozio elkarrekin bizi dira azken xehetasuneraino zainduta dagoen koreografia lan honetan.

Kultur Leioara datozela baliatuz, master klasea eskainiko dute 11:00etatik 13:00etara. Tailerra dohainik izango da ikuskizunerako sarrera erosten dutenentzat. Gainera, master klasera bakarrik joan nahi dutenek ere aukera izango dute, 5 euro ordainduta. Gogoratu plazak mugatuak direla.