ZIRKOA
Cacophonic Pictures Orkestar (Katalunia)

“Musika, zirkua, ustekabeak, kemena eta kaosa”
Ikuskizuna Karl Stets artista daniarraren ideia batetik sortzen da. Saio honetan beste artista batzuk hartu zituen inguruan, artista hibridoak, musikariak, zirkukoak eta argitzaile melomano bat. Denak arteari tratu txarrak emateko prest, betiere sorkun­tzarekiko maitasunez.
Denek elkarrekin Cacophonic Pictures Orkestar osatzen dute, absurdora asko jotzen duen orkestra, agertokia ikus-entzunezko irudiz betez.

¡Disparate! ikuskizunean ez dago ez balentriarik ez truko harrigarririk, gauza txiki asko eta aldrebeskeria handiak baino, eta musika-tresnak, gizakiak eta gauzak elkarrizketa eta borrokaren artean dabiltza etengabe.
Begi itxi-ireki batean harmoniatik kaosera pasatzen da, Barrokotik Far West-era, manipulazio fin batetik ikus-entzunezko lurrikara batera.
Deskalabruak konpasa markatzen duen arte.

JATORRIZKO IDEA: Karl Stets
MUSIKA ZUZENEAN: Cacophonic Pictures Orkestar
ANTZEZLEAK: Sasha Agranov, Xabi Eliçagaray, Jade Morin, Jose Luis Redondo, Ruth Steinthal, Karl Stets
IRAUPENA: 70′
IKUSLEA: +6 urte, familiarra

» Non: Auditorium
» Eguna: Martxoaren 7an
» Ordutegia: 20:30ean
» Sarrera: 12 euro