Leioako Udalak, Gure Ohiturak eta Txikiak Txiki tokiko dantza taldeen laguntzarekin, Bizkaiko Aurresku Lehiaketaren 62. edizioa antolatu du.

Hitzordua irailaren 8an izango da, 19:00etatik aurrera Ondizen. Parte hartzeko beharrezkoa da aldez aurretik izena ematea edo lehiaketaren egunean bertan, Ondizen, 17:00etatik 18:00etara.

Bi modalitate ezarri dira: gizonezkoena eta emakumezkoena. Nahi duten aurreskulari guztiek parte hartu ahal izango dute, baldin eta ohi bezala janzten badira. Modalitate bakoitzean 3 sari eta garaikur berezi bat banatuko dira, azken hori “Leioako Udala”, saritua izan ez den aurreskulariarentzat.

Bi kategorietako lehen sariak 450 euro eta garaikur bat ditu. Gainera, emakumezkoek zapi bat jasoko dute eta gizonezkoek txapel bat. Bigarren sailkatuak 300 euro eta garaikur bat jasoko ditu, eta hirugarrenak, 150 euro eta garaikur bat.

Epaimahaia Euskadiko musikarekin eta dantzekin zerikusia duten pertsonek osatuko dute, eta arintasuna, konpasa edo erritmoa, punteatzea edo pausoak eta aurkezpena edo jantziak puntuatuko dituzte. Gainera, kontuan izango ditu aurkezpena, estiloa, erritmoa eta bizkaitar estiloko urratsak.

Informazio gehiago Kultur Leioan (94 607 25 78).

Aurresku txapelkera – Oinarriak (1,5 MB)