Kultura, Kirol eta Aisialdi arloko ohiko diru-laguntzen deialdia hurrengo martxoaren 17an amaituko da. Interesatuta dauden elkarteek haien eskabidea Kultur Leioan aurkeztu behar dute.

Leioako Udalaren Kultura Sailak ARTEDRAMArekin elkarlanean sortutako aste kulturala aurkeztu da gaur goizean Kultur Leioako prentsa gelan. Bostgarren urtez jarraian burutuko da Kultur Maratila, antzerkia, musika, dantza, etab. uztartu eta plazaratzea helburu duelarik, euskal sorkuntza beti oinarri izanik.

San Juan jaietan parte hartu nahi baduzu eta Leioako koadrila bateko kidea bazara, zatoz koadrilen biletara. Bileren egutegia otsailaren 24an hasiko da eta San Juan jaietako koadrilen proben programazioan lan egingo dugu.

Hurrengo ostiralean, otsailak 19 (Ambigu, 21:00 h), Musika Gertu Zikloaren barruan FETÉN FETÉN musika taldea izango dugu Kultur Leioan. Diego Galazek eta Jorge Arribasek osatzen dute Fetén Fetén, instrumentu anitz jorratzen dituzten kalitate haundiko bi musikarik, mundu osoan zehar proiektu eta festibal desberdinetan egondakoak.