Kultur Leioa, gaur, irailak 21, neguko ordutegian hasten da lanean.

Udazken honetan, Kultur Leioak 20 ikuskizun eskainiko du. Helduentzako bi antzerki eta hiru dantza proposamen, “Musika Arimarekin” eta “Musika Gertu” zikloetako 6 kontzertu, haurtxoentzako bi antzerki ikuskizun eta zazpi familientzat. Eta erakusketak, zinema, lehiaketak… Aterpe Leioa Gaztegunearen, Liburutegiaren eta auzoetako aretoen jarduerak ahaztu barik. Bertoko eta nazioarteko artista garrantzitsuen emanaldi nabarmenak. Gure udalerriko mugak gainditzen dituen luxuzko egitaraua, kultura maite dutenen erreferente bilakatuta.

Pasa den igandean, irailak 13, Ondizen, honezkero tradizio den Bakailaoa Bizkaiko erara prestatzeko lehiaketa izan zen. Kazola asko aurkeztu ziren, eta irabazlea “Txalaparta” izan zen.

Aterpe Leioa Gaztegunean kurtso honetan izango diren tailerretan eta ikastaroetan izena emateko epea astelehenean, irailak 14, irekiko da.