“Umore Azoka ezinbesteko plaza bihurtu da euskal konpainientzat”. XVI. Leioako Umore Azokan parte hartuko duten Euskal Herriko konpainien aurkezpena egin du Ana Lopez azokako zuzendariak Bilbon Euskadiko Artxibo Historikoan, Joxean Muñoz Eusko Jaurlaritzako Kultura, Gazteria eta Kirol Sailburu ordearekin batera eskainitako prentsaurrekoan. Jaialdiak euskal konpainiekin duen lotura nabarmendu du Lopezek bertan. Azaldu duenez, urteroko hitzordua da Leioakoa Euskal Herriko kale arteetan dabiltzan sortzaileentzat, eta aurtengo edizioa ez da salbuespena izango.

Maiatzaren 10ean izan zen Leioako Margolari Gazteen XVIII. Lehiaketa Burgoseko Beatriz Marcos Garridok irabazi du.

Aukeraketa-prozesu interesgarri baten ondoren, Leioako XV. Pop Rock Lehiaketarako finalistak hautatuak izan dira. Guztira, txoko guztietako 57 talde aurkeztu dira. 41 Pop Rock talde eta 16 Metal talde; 3 leioaztarrak, 37 Euskal Herrikoak eta 17 beste jatorri batzuetakoak izan dira.

Vanesa Vallejo Zaldívar leioaztarra izan da San Juan 2015 Kartel Lehiaketaren irabazlea; izan ere, “Taupadak” izeneko bere lanak iragarriko ditu Leioako jaiak. Lehiaketara aurkeztutako 42 proposamenen artean irabazle aukeratua, kartelak Leioako jaien zenbait une eta pasarte erakusten ditu, bai eta bertako ohiturak eta udalerriko leku tipikoak ere.