Kultur Leioak datozen sei hilabeteetan eskainiko duen egitarau kulturala aurkeztu berri du. Egitarau askotarikoa eta kalitatezkoa izango da, estreinaldi eta antzezlan benetan azpimarragarriekin eta Estatuko nahiz nazioarteko artista garrantzitsuekin. Luxuzko egitaraua Leioako herritarrentzat eta inguruko herrietako biztanleentzat, izan ere, programazioa gero eta ezagunagoa eta estimatuagoa da.

Bihar, abenduak 21, “Musika con alma” zikloaren azkeneko kontzertua izango da Kultur Leioan Gau Flamenkoaren eskutik (Auditorium. 21:00). Dakizuenez, kontzertu bikoitza izango da. Alde batetik, Raul Micó abeslaria eta bestaldetik Las Migas taldea, Alba Carmonaren ahotsarekin. Atsedenaldian tartetxo gastronomikoa ere izango da.

Beste behin ere, igandean izango dugu ikusgai Leioako Nekazaritza eta Abeltzantza Azoka, aurten bere XXV. edizioan. Beti bezala, giroa Errekalde plazan, Bulebarrean eta Jose Ramon Aketxe plazan izango da goizeko 10.00etatik 15.00etara arte.

Aurtengo Gabonetan, Kultura Bonua erosten baduzu –25 euroko kostua dauka–, 40 euroko bonu bihurtu ahal izango duzu Kultur Leioan.