“Harremanak. Maitasunari eta heriotzari buruz” Kultur Leioan ikus daitekeen erakusketa da. Erakusketa datorren abenduaren 9ra arte egongo da ikusgai. Instalazioaren egilea den Carmen Palomerok naturako elementuak erabiltzen ditu bere ideiak adierazteko, genero indarkeriaren arazoaren aurrean banakako kontzientziari zuzendutako poema batean.

Asteburu honetan, ostiraletik igandera arte, ospatuko da Leioako XXXIII. Artisautza eta Gastronomia Azoka ospetsua. Egun hauetan zehar Euskal Herriko artisau onenak izango dira Bulebarrean eurek ekoiztutako produktuak aurkezteko. Guztira 31 erakuslek hartuko dute parte azoka honetan, 29 espezialitate desberdinak erakusten; beira, zura, larrua, keramika… Baina artelanez gain Euskal Herriko janariak ere izango dira, guztiak naturalak eta etxekoak, adibidez olioa, garagardoa, gaztaia, euskal pastela, itsasoko produktuak…

Carmen Palomerok “Harremanak-Sobre el Amor y la Muerte” erakusketa aurkeztuko du Kultur Leioan, azaroaren 8tik aurrera. Burgosko Arte Garaikidearen Museoarentzat (CAB) sortu du, “Damoclesen ezpata” gaiari buruzko proposamenari erantzunez. Leioako artista plastiko horrek zelatatzen gaituen berehalako arriskuari erreferentzia egiten dion esamolde hori emakume askok beren “Maitasunaren espetxean” jasaten duten egoerarekin lotu du.

Ostegun honetan, azaroak 8, Huts Teatroa konpainiak, Artedramaren eskutik sortu duen “Publikoari gorroto” antzezlana eskeiniko digute Kultur Leioan (Auditorium. 20:30), Ander Lipus buru delarik eta Xabier Mendigurenen testuan oinarritua.