Larunbatean (hilak 21), 18:00etatik aurrera laburmetraien emanaldia izango da Leioa Aterpe Gaztegunean. Zehazki hiru izango dira ikusi ahal izango diren lanak, ‘Prudentzia’, ‘¡Qué dirán!’ eta ‘Nido de Bastardos’. Gonbidapenak Gaztegunean jaso ahal dira jada.

Leioa Udaleko Kultura eta Gazteria Sailak, Txikiak Txiki eta Gure Ohiturak herriko dantza taldeekin batera, Bizkaiko Aurresku Txapelketaren 52. edizioan parte hartzera deialdia zabaltzen du. Lehiaketan hurrengoko irailaren 8an, arratsaldeko 19.00etan izango da Ondizko probalekuan.

Uztailean eta abuztuan, Kultur Leioak parentesi txiki bat irekiko du Auditoriumeko eta Ambigúko programazioan, baina, irailean, berriro helduko die arte eszeniko, musika, zinema eta beste hainbat arlotako ohiko saioei.

Euskarazko antzerki-sorkuntzari laguntzeko asmoz sortu da Zubi, konpainien eta programatzaileen lana bateratu eta bultzatzeko zubia. Luhusoko Harri Xuri Karrikako Arteen Fabrika (Lapurdi), Donazaharreko Herri Antzokia (Nafarroa Beherea), Durangoko San Agustin Kultur Gunea (Bizkaia), Leioako Kultur Leioa (Bizkaia), Zornotzako Ametx Zornotza Aretoa (Bizkaia), Elorrioko Arriola Aretoa (Bizkaia) eta Aulestiko Artedrama Euskal Laborategiaren (Bizkaia) eskutik jaio da proiektu hau, Euskal Antzerkiaren Sorkuntza Berriari Laguntzen lemapean.