2012ko San Juan jaiei begira koadrilek egiten dituzten bileren egutegiko egun bat aldatu egin da. Zehazki, maiatzaren 16rako aurreikusita zegoen bilera maiatzaren 23an izango da.

Leioan maiatzaren 17tik 20ra artean ospatuko den XIII. Umore Azoka, datorren asteazkenean, maiatzak 9, 11.00etan Errekalde Zumardia 30n dagoen Rekalde Aretoan egingo den prentsaurrekoan aurkeztuko da.  Bertan, gero eta ikusle, artista eta profesional gehiago biltzen dituen ekimenaren programazioa eta nondik norakoan emango dira ezagutzera.

Umore Azokaren egitarauan tartekatzen diren ikuskizunez gain, maiatzaren 17tik 20ra Leioara gerturatzen diren profesionalek, kaleko arteak bizi duten egoera eta Arte Eszenikoen inguruko sortze prozesuak jorratuko dituzten jardunaldietan parte hartzeko aukera izango dute. Lan-saioak bi egunetan gauzatuko dira, lehena 18an COFAEk antolatuta eta bigarrena hurrengo egunean, Artekalek antolatuta aurrekoaren jarraipen gisa.

Aterpe Leioa Gaztegunetik eskerrak eman nahi dizkizuegu Leioako XII. Pop Rock Lehiaketan parte hartu duzuen guztiei. Lehiaketaren 12. edizio honetan 144 taldek hartu dute parte guztira.