2012. urte honetan, bere horretan jarraitzen dute jarduerek Leioako Auzo Geletan. Askotariko jarduerak izango dira, hala haurrei nola helduei zuzendutakoak. Eskulanak, jantzigintza eta puntua, gimnasia, aretoko dantzak, salsa, sevillanak, yoga, etab.

Neguagatik zuri eta distiragatik gorri. Euskal dantza garaikidea eta tradizionala.“Ninika” –landareen begia- gorputzari eskainitako oda bat da; bertan, haur eta heldu, bidaian joango dira denboran zehar eta urtaroetan barrena, eta jantzien edertasunak, eszenografiak eta mugimenduek eramanda, poesia eta sentsualitate une gozoak bizi izango dituzte.

Zure mugikorrean Kultur Leioaren programazio guztia izan nahi baduzu, dagoeneko iPhone eta iPad-erako nahiz Android duten smartphone eta tablet-etarako doako aplikazioa deskargatu dezakezu.

Urtero urtero, Kaleko Arteen arloan ematen diren azken berrikuntzen inguruan sektoreko profesionalak zein ikuslego orokorra bilduz, ezinbesteko erakuslehio bilakatu da Leioako Umore Azoka-Kaleko Artisten Azoka. Garrantzi horren jakitun, 2012ko maiatzaren 17tik eta 20a bitarte ospatuko den hamairugarren edizioan parte hartzeko laurehunetik gora proposamen artístiko aurkeztu dute sektoreko profesionalek.