Ostiral honetan, urtarrilak 20 (22:00) Bluenigths kontzertuak bueltatzen dira Kultur Leioako Ambigu aretora, oraingoan, luxuzko gonbidatu batekin, Antonio Serrano armonika jotzailea. Travellin’ Brothers leioaztarrak izango dira oinarrizko banda eta artista madrildar honen kalitatearekin zuzenean gozatu ahal izango dute.

Aterpe Leioa Gazteguneak tailer, ikastaro eta lehiaketa eskaintza anitza prestatu du urtarrila-martxorako. Jarduerak 14 eta 35 urte arteko gazteei daude zuzenduta eta prezioak 10 eurotik aurrerakoak izango dira.

Kultur Leioak datozen sei hilabeteetan eskainiko duen egitarau kulturala aurkeztu du. Egitarau askotarikoa eta kalitatezkoa izango da, estreinaldi eta antzezlan benetan azpimarragarriekin eta Estatuko nahiz nazioarteko artista garrantzitsuekin. Luxuzko egitaraua Leioako herritarrentzat eta inguruko herrietako biztanleentzat, izan ere, programazioa gero eta ezagunagoa eta estimatuagoa da.

Alabatxo/Querida hija haurrei zuzendutako keinu-antzerkiko proposamena da. Jokin Oregik idatzi eta zuzendutakoa da; protagonistak bikote bat dira: Laida eta Martin, Ana Meabek eta Javier Renobalesek interpretatuta. Alaba jaiotzeko irrikitan daude, eta haurtxoa jaiotzen denean bizitza nolakoa izango den imajinatzen dute etengabe; izan ere, etxea eraldatu egin dute dagoeneko, eta objektu ugari jarri dituzte jaioko den alabarentzat.