Iazko arrakasta ikusita aurten ere Leioak izotz pista izango du Gabonetan. Guztira 300 metro koadroko pista izango da eta Errekalde plazan kokatuko da. Sarrera euro bikoa izango da, ostera, Leioako dendetan erosten dutenentzat sarrera doakoa izango da.

Leioako Udalaren Kultura eta Gazteria sailak agenda kultural berezia antolatu du Gabon egun hauetarako, hainbat ekintza izango dira etxeko txikienei zuzendutakoak, beti ere euskara ardatza izanik, hauen artean: zinea, magia, antzerkia, ludoteka edota pailazoak.

Haritz Zubillaga (Bilbo) “She’s lost” lanarekin eta Jon Garaño (Donostia) “Urrezko eraztuna” lanarekin izan dira gaztelania eta euskarazko edizioen irabazleak, hurrenez hurren, Leioako Laburmetrai Lehiaketan. Argazki Lehiaketan, lehenengo saria Ana Rodríguez Rodríguezek (A Coruña) lortu du, “Paisaje difuminado” izeneko lanarekin. Zuri-beltzezko atalean, saria José Ramón Luna de la Ossak (Cuenca) eraman du, “Introspección” lanarekin.

Aurtengo Gabonetan, Kultura Bonua erosten baduzu –25 euroko kostua dauka–, 40 euroko bonu bihurtu ahal izango duzu Kultur Leioan. Aldatu ezazu eta egin zaitez Kultur Leioaren lagun, edo, dagoeneko bazara, berritu bazkidetza 2012rako. Era berean, “Gabonetan antzerkira” edo gure kultur programazioko ikuskizunetako baterako sarrerak ere erosi ahal izango dituzu.