Facebook, Twiter, SMS, Wassup… komunikatzeko era bakarra direla ematen duen garai honetan, Leioak beste urte batez, eta dagoeneko hamahiru urte dira, Maitasun Gutunen Lehiaketa deitu du. Lehiaketa honekin, gogorarazi nahi da gutuna literatur generoa dela berez; era berean, sentimenduen komunikazioa sustatu nahi da eta genero honen aberastasuna berreskuratu nahi da.

Asteburu honetan, ostiraletik igandera arte, ospatuko da Leioako XXII. Eskulangintza Azoka ospetsua. Egun hauetan zehar Euskal Herriko artisau onenak izango dira gure kaleetan eurek ekoiztutako produktuak aurkezteko.

Aterpe Gazteguneak antolatutako Pop-Rock lehiaketaren kartela aurkezteko epea zabalik dago oraindik. Datorren azaroaren 11a arte izango duzu aukera zure lana aurkezteko. Ez zaitez berandu ibili.

Leioako Film Laburren XVIII. Lehiaketarako eta Leioako Argazkien XXV. Lehiaketarako lanak aurkezteko epea ostiral honetan (urriak 21) amaitzen da. Gogoan izan lanak posta ziurtatuz bidali ahal izango direla, edo, bestela, zuzenean eman ahal izango direla Kultur Leioan (Jose Ramon Aketxe plaza 11 – 4. solairua).