Beste urte batez, Leioarekin duen hitzorduari leial datorkigu Musikale, eta, oraingoan, dozena bat taldek eszenatoki bihurtuko ditu kaleak. Oraingoarekin, hamaika dira dagoeneko Kaleko Musikarien Nazioarteko Topaketa honen edizioak; munduko bazter guztietatik etorriak, 120 bandatako ia 2.000 musikari baino gehiago aritu dira topaketa hauetan.

Datorren hiruhilekoan, urria-abendua bitartean, Txorierri Kulturgunean askotariko tailer eskaintza izango da. Tailerrak arratsaldez izango dira, eta haurrei zein helduei zuzendutako jarduerak izango dira. Kasu bietan, tailerren matrikula 15 eurokoa izango da.

Ondizko jaiak direla eta, joan den asteburuan Bizkaiko aurreskuen txapelketaren 51. edizioa ospatu zen. Bertan, Bizkaiko aurresku dantzaririk onenak izan ziren, gizonezkoen mailan 11 parte hartzaile (2 gazteak) eta emakumezkoan 3 partaide (hauetariko 2 gazteak). Ikuslegoa handia ere nabari zen, 400 pertsona inguru hurreratu ziren Ondizera.

Irailaren 18an, igandean, Ondizko Bakailao Lehiaketa egingo da. Beste urte batzuetan ez bezala, aurten ezin izango dira Euzko Gudariak kaleko alboak erabili bertan aparkatzeko.