Carlos Lopez eta Antonio Vargas Montielek abian jarritako Zen del Sur konpainiak Heian ikuskizuna eskeiniko du Kultur Leioan hurrengo ostiralean, urtarrilak 29 (Auditorium, 20:30 h). Ikuskizun honek dantza garaikide akrobatikoa eta urbanoa, zirku teknikak, zuzeneko musika eta umorea uztartzen ditu eta gazte zein nagusiei zuzenduta dago.

Hainbat sari jasotakoa da, Zirku/kabaret sailean ikuskizun onenaren saria Talent Madrid 2013n eta Gaueko ikuskizun onena Feten 2014n, beste batzuen artean. Artistek eta ikusleek egoera emozional amankomun batean elkar aurkituko dira, burua askatu egingo da eta zorion sentimendu batean barneratuko gara. Heian, bakea, lasaitasuna.