Kultur Leioak bat egiten du Emakumearen Egunarekin eta programazio berezia eskainiko digu martxoan zehar, emakumea protagonista izanik.

Musika, antzerkia eta dantza Kultur Leioako Auditoriumera eta Anbigura helduko dira, eskaintza bereziarekin. “Emakume Bonoari” esker, eta 30 euroren truke bakarrik, Marlangoren musikaz (martxoak 8), Histrion konpainia granadarrak dakarren “Juana, la reina que no quiso reinar” antzerkiaz (martxoak 14), Neighbor-en pop-rockaz (martxoak 21) eta Cielo Raso Konpainiaren dantzaz (martxoak 28) gozatu ahal izango duzu. Bonoak Kultur Leioako txarteldegian daude salgai.

Ez utzi aukera paregabe hau pasatzen eta ospatu, martxo osoan zehar, Emakumearen Eguna.