Juan Perro bihar, ostiralean, iritsiko da Kultur Leioara, “Casa en el aire” lanarekin, Joan Vinyals gitarra-jotzaile eta abeslariarekin lankidetzan. Gitarra akustiko eta ahotsen bikote honek kontzertu ausarta eskainiko du, artisten eta ikus-entzuleen arteko konplizitatearekin. Benetako topaketa musikal eta poetikoa.

Eta igandean, familia osoarentzako dantza, Luna Teatro eta “Cenicienta y las zapatillas de cristal” lanarekin. Bi dantzarik dantza, zapata, txapel, jantzi, txotxongilo eta objektuen bitartez kontatuko dute Perraulten ipuin klasiko eta ezaguna. Txikien zein nagusien gustukoa izango den ikuskizuna.