5.234 lagunek gozatu dute Auditoriumeko eta Ambigúko programazioaz, urtarriletik ekainera bitartean. Zinemazaleek, antzerkiaren eta zirkuaren zaleek, dantzaren jarraitzaile sutsuek, musikazaleek… aniztasuna eta kalitatea ezaugarri nagusi izan dituzten hogeita hamar bat ikuskizunez gozatu dute.

Zinemaren atalari dagokionez, lehen seihileko honetako datuak oso positiboak izan dira, 3.566 ikus-entzule izan baitira. Ziklo bakoitzeko filmen eta ikus-entzuleen banaketa honako hau izan da:

Zineforuma, 21 film eta beste horrenbeste saio, 1.651 ikus-entzule.
Haurrentzako zinema, 7 film eta 13 saio, 1.143 ikus-entzule.
Zinema, 6 film eta 17 saio, 739 ikus-entzule.
Zinegoak, 2 film eta beste horrenbeste saio, 33 ikus-entzule.