Hirugarren urtez jarraian, Artedrama plataformak eta Kultur Leioak KULTUR MARATILA antolatu dute otsailaren 20tik 23ra, euskarazko kreazio artistikoez osatutako zikloa. Antzerkia, musika, dantza… kultura eta euskararen inguruan mugitzen diren arte diziplina desberdinak.

“Konpota” antzezlanak, Dxusturi Teatroa konpainiarena, irekiko du zikloa otsailaren 20an. Ostiralean, hilak 21, Ertza-Asier Zabaleta helduko dira “NAN” dantza ikuskizunarekin. Eta egun hori osatzeko, “Transhumantzia” taldearen musika, Mixel Etxekopar eta Francois Rosséren eskutik.

Otsailaren 22an, larunbata, antzerkia izango da protagonista Ttanttaka taldearen “Zazpi aldiz elur” lanarekin, eta ondoren, JB Pedradasen “Pepino ustelak (hozkailuan)”.

Kultur Maratila hilaren 23an, larunbata, amaituko da “Gabrielen lekua” lanarekin, hauen eskutik: Gabriel Aresti Kultur Elkartea eta Zenbat Gara.