Pinuetako ludotekak aisialdian gozatzeko eta ikasteko espazioa eskaintzen die 6 eta 12 urte bitarteko leioaztarrei. Horretarako, aisialdirako jarduera-eskaintza oparoa aurkezten du, guztiak ere irudimena garatzera eta parte-hartzea sustatzera bideratuta.
Horren haritik, oso mota desberdineko joko ugari aurkituko dituzte (Legoa, mahai-jokoak, material artistikoa, rol-jokoak, etab.), bai eta erabilera askotarako gune bat ere, mahai-futbolean edo billarrean jolasteko, filmak ikusteko, etab. Era berean, eskolako lanak egiteko lekua ere badago. Ostiraletan, jarduerek izaera berezia dute eta tailerrak (eskulanak, sukaldaritza…)eta irteerak (museoak, parkeak…) programatzen dira.
Pinuetako ludoteka astelehenetik ostiralera dago irekita, 17:00etatik 20:00etara. Aste Santuko eta Gabonetako oporretan, ordutegia 11:00etatik 14:00etara bitartekoa da.
Iruzkindu