Hurrengo ostiralean, abenduak 20 (Auditorium, 20:30 h), kabaret ikuskizuna izango dugu Kultur Leioan, Tartean Teatroa konpainiarenaren eskutik. SIMPLICISSIMUS umorezko kabareta da umorearen mugak aztertzen dituena. Haien lana askatasun osoaz egin nahi izateagatik jazarpena sufritu eta sufritzen duten komikoei omenaldi bat da.

Kabaret musikala da, zuzenean antzeztu, kantatu eta jotzen duten musikari-aktoreekin. XXI. Mendeko kabareta da, erroak sakonki erroturik dituelarik XX. mendeko Europako gerrarteko garaian. Musika, antzerkia, kabareta eta umorea euskaraz Patxo Telleriaren eskutik.