Leioako Udalak indar handiz ekingo dio kultur urteari, Kultur Leioaren, Udaleko Kultura Sailak, kultura eta sorkuntza artistikoa bultzatzeko, laguntzeko eta hedatzeko sustatzen duen zentro publikoaren, inguruan ekainaren amaierara arte luzatuko den programazio bikainarekin.

Hurrengo ostiralean, urtarrilak 11 (Auditorium, 20:30 h), Benito Lertxundi musikaria izango dugu Kultur Leioan. Gogo asekaitza, autodidakta eta moda, araudi eta ortodoxiatik at kokatu izan den kantari oriotarrak, “Ospakizun gauean” bere azkeneko lana aurkeztuko du.

Kultur Leioak 2019ko hurrengo hilabeteetan eskainiko duen programazio kulturala jasotzen duen agenda argitaratu berri du. Programazio anitza, berria eta erakargarria, euskal agertoki aberatsa estatu eta nazioarte mailako konpainia eta artista garrantzitsuekin elkartzen dituena.

Aste honetan, abenduaren 28tik 30era (Auditorium. 18:00), urteari bukaera emateko, Kultur Leioak Gabonetan Antzokira zikloa eskeintzen du. Zikloak haurrei diziplina anitz hurbilduko dizkie: Dantza, musika, multimedia, aktore antzerkia, etab.