Aterpe Leioa Gazteguneak apirileko-ekainerako prestatu dituen tailer eta ikastaroen izena emate epea apirilaren 9tik 17ra izango da zabalik. Jarduerak 14 eta 35 urte arteko gazteei daude zuzenduta.

Kultur Leioari ez dagozkion arrazoiengatik, martxoaren 25ean programatuta zegoen “Xocolat” (Teatro Paraiso) ikuskizunaren bi emanaldiak bertan behera gelditu dira.

Umore Azoka Leioak, Leioako Udalak antolatutako Kaleko Artisten Azokak, aukeratu ditu dagoeneko maiatzaren 17tik 20ra egingo den XIX. edizioan euren ikuskizunak aurkeztuko dituzten 42 konpainiak. Lehiaketaren kudeaketa artistikoaren arduraduna den Kultura Sailak proposamenen originaltasunaren eta kalitatearen aldeko apustua indartu du. Hori, 100 emanaldi baino gehiago eta erabateko 14 estreinaldi izango dituen programazio osoan islatzen da.

Kultur Leioak udaberriari egingo dion ongietorrian, dantza izango da protagonista nagusia. Estilo ezberdinak uztartuko dira askotariko ikusleentzat, eta, aldi berean, beste jarduera interesgarri batzuk egingo dira.