Leioako koadrila bateko kidea bazara, eta 2013ko San Juan jaietan parte hartu nahi baduzu, ez ahaztu egun hauek. Joan den otsailaren 13tik ari gara biltzen San Juan jaietako koadrilen proben programazioan lan egiteko.

Folkincats kataluniarren kontzertu akustikoak Amorebieta-Etxano, Basauri eta Leioako espazio kulturalen “Musika Gertu” zirkuitu musikala inauguratuko du. Zirkuitu honek “Blues Jazz Zirkuituaren” lorratza jasotzen du, baina Amorebieta-Etxanoko Zelaieta Zentroko eta Basauriko Social Antzokiko eszenatokietan erakutsiko diren proposamen musikalen estiloak, korronteak eta soinuak are gehiago handituz. Zirkuitua osatzen duten udalerriei giro hurbil eta lasaian formatu txikiko musika proposamenak hurbilaraztea da ideia.

Euriak ere ezin izan zuen atzo txikienen adorearekin, Inauterien agur-egunean. Bereziki beraiei zuzendutako egunean, mozorro Lehiaketa ospatu zen, maila guztietan.

Hegoak Elkartearekin batera, Leioako udalaren Kultura Sailak Bilboko gay/lesbo/trans 10. nazioarteko zinema eta arte eszenikoen jaialdiko luzemetraiak, laburmetraiak eta dokumentalak emango ditu otsailaren 13 eta 14an.