Urtero egiten den bezala, Udalak Leioako Eguna ospatuko du Artatzako jauregian. Hitzordua bihar izango da arratsaldeko 20.00etan.

Leioako XIII. Pop Rock Lehiaketa iragarriko duten kartelen IV. Lehiaketara aurkeztutako kartelak ikusi nahi badituzu, Aterpe Leioa Gazteguneak bere lokaletan antolatu duen erakusketan egin dezakezu dagoeneko. Gainera, Gaztegunera joaterik ez baduzu, Flickr-en ikus ditzakezu.

Asteburuan, etxeko txikienek, gozatzeko aukera izango dute Kultur Leioan, “Lehen aldia, Haurtxoentzako V. Arte eszenikoen Zikloa” izango baita. Bertan, bi ikuskizun izango dira, bi saio desberdinetan (12:30 eta 18:00, Ambigu aretoan).

“Harremanak. Maitasunari eta heriotzari buruz” Kultur Leioan ikus daitekeen erakusketa da. Erakusketa datorren abenduaren 9ra arte egongo da ikusgai. Instalazioaren egilea den Carmen Palomerok naturako elementuak erabiltzen ditu bere ideiak adierazteko, genero indarkeriaren arazoaren aurrean banakako kontzientziari zuzendutako poema batean.