Urtero urtero, Kaleko Arteen arloan ematen diren azken berrikuntzen inguruan sektoreko profesionalak zein ikuslego orokorra bilduz, ezinbesteko erakuslehio bilakatu da Leioako Umore Azoka-Kaleko Artisten Azoka. Garrantzi horren jakitun, 2012ko maiatzaren 17tik eta 20a bitarte ospatuko den hamairugarren edizioan parte hartzeko laurehunetik gora proposamen artístiko aurkeztu dute sektoreko profesionalek.

Beste urte batez, Kultur Leioak “Leioako Lehiaketak 2011” katalogoa argitaratu du. Bertan, joan den urtean egindako lehiaketen irabazleen errepasoa egiten da.

Leioako Maitasun Gutunen Lehiaketak parte-hartze bikainarekin itxi du hamahirugarren edizioa; izan ere, 177 gutun aurkeztu dira lehiaketara. Edizioz edizio, kopuru hori handituz doa eta aurkeztutako testuen maila gero eta handiagoa da.

Datorren ostiralean, hilaren 10ean, 19:30ean, Leioako Maitasun Gutunen XIII. Lehiaketaren sariak banatuko dira. Sari banaketara joango diren pertsonek, beharbada, Tanttakaren antzezlana (“Contra el viento del norte” / “Ipar haizearen kontra”, 20:30) ikusi nahiko dutenez, Lehiaketaren sariak banatzeko ekitaldia ordu erdi aurreratu da.