Urtarrilarekin batera, aurreko urteetan bezala, Leioako XII. Pop Rock Lehiaketan parte hartzera gonbidatzen zaituztegu. Parte hartu nahi izanez gero, lanak helbide honetara bidali behar dira martxoaren 30a baino lehen, Aterpe Leioa Gaztegunera. Ez ahaztu izen emate orria betetzea eta taldean 18 urtetik beherakorik izanez gero, guraso edo tutorearen baimena aurkeztea.

Ostiral honetan, urtarrilak 20 (22:00) Bluenigths kontzertuak bueltatzen dira Kultur Leioako Ambigu aretora, oraingoan, luxuzko gonbidatu batekin, Antonio Serrano armonika jotzailea. Travellin’ Brothers leioaztarrak izango dira oinarrizko banda eta artista madrildar honen kalitatearekin zuzenean gozatu ahal izango dute.

Aterpe Leioa Gazteguneak tailer, ikastaro eta lehiaketa eskaintza anitza prestatu du urtarrila-martxorako. Jarduerak 14 eta 35 urte arteko gazteei daude zuzenduta eta prezioak 10 eurotik aurrerakoak izango dira.

Kultur Leioak datozen sei hilabeteetan eskainiko duen egitarau kulturala aurkeztu du. Egitarau askotarikoa eta kalitatezkoa izango da, estreinaldi eta antzezlan benetan azpimarragarriekin eta Estatuko nahiz nazioarteko artista garrantzitsuekin. Luxuzko egitaraua Leioako herritarrentzat eta inguruko herrietako biztanleentzat, izan ere, programazioa gero eta ezagunagoa eta estimatuagoa da.