Astebururako eguraldi txarra iragarri dutenez, Leioako Kaleko Arteak jaialdiaren espazio eszenikoetan zenbait aldaketa egitea erabaki du Leioako Udalak. Hartara, jaialdia aurrreikusitako egunetan izango da, eta ikus-entzuleek programatutako ikuskizunez gozatu ahal izango dute.

Leioako kaleetan kaleko arteen euskal sektoreko lan eta artista onenen aukeraketa izango da urriaren 2tik 4ra. Aukera bikaina da kultura jendeari gerturatzeko, kalean, eta euskal lana eta ekoizpenak sustatzeko.

Kultur Leioak ateak irekitzen dizkie berriz ere Leioako bizilagunei, lehen seihilekoan eskaini ezin izan zen kultura-eskaintza birkokatuz eta proposamen berriak eginez, euskal eta euskarazko sorkuntza bultzatuz bereziki. Zerbitzuak eta Auditoriuma segurtasun- eta higiene-neurrietara egokituz, edukierak eta protokoloak “gizartearen onerako oro har” langileentzako nahiz erabiltzaileentzako berme guztiak edukitzeko egokituz.

Aurten ere Kultura sailetik Arte, Artisautza eta sorkuntza ikastaroak eskainiko ditugu. Hurrengo asteartean, hilak 8, irekiko da izenak emateko epea. Irailaren 11ra arte (goizeko ordutegian) eman ahalko dute izena Kultur Leioan zein Gaztelubideko udal bulegoan.