Ostiral honetan, irailak 30 (Auditorium, 20:30 h), Teatro La Abadia eta La Zona konpainia ezagunek Alfredo Sanzolek sortutako eta zuzenduriko “La Respiración” antzezlana eskeiniko dute Kultur Leioan.

Kultur Leioak udazkeneko programazioari hasiera ematen dio. Ostiral honetan, irailak 23 (Auditorium, 21:00 h), Andaluziatik datorren Lapso Producciones konpainiak “Lapsus, desconcertó acústico” ikuskizuna eskeiniko digu.

Liburutegiaren ordutegia zabaldu egingo da, eta larunbat honetatik aurrera, hilak 17, larunbatetan ere irekita egongo da, 10:00etatik 13:30era.

Udazken honetan, Kultur Leioak 23 ikuskizun eskainiko du. Lau antzerki proposamen eta hiru helduentzako dantzakoak, 6 kontzertu Musika Arimarekin eta Musika Gertu zikloen barruan, haurtxoentzako bi antzerki ikuskizun eta familientzako zortzi. Eta horrez gain, erakusketak, zinema, lehiaketak… Aterpe Leioa Gaztegunea, Liburutegi, eta Auzogeletako jarduerak ahaztu barik. Estatu eta nazioarteko artista eta konpainien emanaldi nabarmengarriak. Luxuzko egitaraua, gure udalerriko mugetatik harago doana eta kultura maite dutenentzako erreferente bilakatu dena.